Nalalapit na ang Grand Finale sa Singing Cops of the Philippines 2024 na gaganapin sa Music Museum, San Juan City, Metro Manila sa ika-27 ng Setyembre 2024.
Pasok sa Top Ten Finalist ang Police Regional Office 10 na mang-aawit na si Patrolwoman Kershean Uy, 27 anyos at tubong taga Cagayan de Oro City.
Nabatid na si Patrolwoman Uy ay kasalukuyang nakatalaga sa Libona Municipal Police Station.
Nagsimula siyang umawit sa edad na tatlong taong gulang at ang kanyang paboritong kanta noon ay “Di Ko Kayang Tanggapin” ni April Boy Regino.
Ayon pa sa kanya, na nakasabayan ng kanyang ina sa pag-awit ang sikat na mang-aawit at manunulat ng kanta na si Jose Mari Chan at iba pang mga sikat na mang-aawit.
Layunin ng ganitong uri ng patimpalak na maipakita ang mga talento ng mga kapulisan sa pag-awit at maipamahagi ang mga pondong nalikom para sa cancer-stricken PNP personnel na mga pangunahing benepisyaryo.
