Arestado sa buy-bust oepration na isinagawa ng Valenzuela City Police Station ang isang 46-anyos na babae na hinihinalang nagpapatakbo ng malawakang drug operation sa lungsod nito lamang Sabado, Enero 11, 2025.
Ayon kay Police Colonel Josefino D Ligan, Acting District Director ng Northern Police District, naisagawa ang operasyon sa pangunguna ng Station Drug Enforcement Unit (SDEU) ng istasyon na may koordinasyon ng Philippine Drug Enforcement Agency (PDEA).
Humantong ang operasyon sa pagkakasamsam ng humigit-kumulang 140 gramo ng hinihinalang shabu na nagkakahalaga ng Php952,000 na binubuo ng pitong heat-sealed plastic sachets na naglalaman ng hinihinalang shabu, isang tunay na Php500 bill na may kasamang 14 na piraso ng Php1,000 boodle money, apat na Php100 bill, isang Techno Spark Android na cellphone, isang pula at asul na sling bag.
Nahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang suspek.
Hinimok ng Northern Metro Cops ang publiko na patuloy na suportahan ang pagpapatupad ng batas sa pamamagitan ng pag-uulat ng mga kriminal na aktibidad sa pamamagitan ng pinakamalapit na istasyon ng pulisya o hotline upang makalikha ng mas ligtas na komunidad.
Source: NPD PIO
