Malabon City – Arestado ang Top 9 Regional Most Wanted Person ng Leyte sa isinagawang Manhunt Charlie Operation ng pulisya sa Corner General Luna at ng Bonifacio St. Brgy. Flores, Malabon City nito lamang Hunyo 6, 2023.
Kinilala ni Police Lieutenant Dante Bernales, Officer-In-Charge ng Regional Intelligence Unit 8, ang naaresto na si alyas “Rens”, 66, residente ng Barangay Canlinga, Dagami, Leyte at tinaguriang Top 9 Regional Most Wanted Person.
Naaresto ang suspek ng mga operatiba ng Regional Intelligence Unit 8, Provincial Intelligence Unit – Leyte PPO, Dagami Municipal Police Station, Regional Intelligence Unit NCR at Malabon CPS 7 sa bisa ng Warrant of Arrest.
Nahaharap ang suspek sa kasong 2 Counts of Statutory Rape na walang piyansang inirekomenda; Php200,000 na piyansa para sa kasong Rape at Php180,000 naman ang piyansa para sa paglabag sa Section 5(B) sa ilalim ng Article III ng RA 7610 o Special Protection of Children against Abuse, Exploitation and Discrimination Act.
Ang matagumpay na pagkakadakip ng akusado ay isang patunay sa mahusay at walang humpay na kampanya ng kapulisan sa lahat ng uri ng kriminalidad.
