Arestrado ng mga awtoridad ang Top 9 Regional Most Wanted Person na may kasong 2 Counts of Statutory Rape sa Barangay 6, Guiuan, Eastern Samar nito lamang Mayo 19, 2024.
Kinilala ni Police Captain Christian P Celestino, Acting Chief of Police ng Kawayan Municipal Police Station, ang suspek na si alyas “Loloy”, 30 anyos at residente ng Barangay Mapuyo, Kawayan Biliran.
Bandang 8:00 ng umaga ng maaresto ang suspek ng mga tauhan ng Kawayan Municipal Police Station kasama ang Provincial Intelligence Unit Biliran, Provincial Intelligence Unit Eastern Samar, Regional Intelligence Unit 8, Biliran Provincial Mobile Force Company at Guiuan Municipal Police Station.
Naaresto ang akusado sa bisa ng Warrant of Arrest para sa kasong 2 Counts of Statutory Rape na walang piyansa.
Patunay na ang hanay ng PNP ay hindi titigil upang hulihin ang mga taong lumalabag sa batas at hinihikayat ng PNP ang komunidad na makipagtulungan at agad na isumbong sa mga awtoridad kung sakaling may makitang kahina-hinalang gawain sa kanilang lugar.
Panulat ni Patrolwoman Camberleigh D Flores
