Arestado ang tinaguriang Top 9 Regional High Value Individual sa isinagawang buy-bust operation ng mga awtoridad sa Purok 1 Campo, Barangay Kapatagan, Digos City, Davao del Sur nito lamang Abril 4, 2025.
Kinilala ni Police Lieutenant Colonel Florante S Retes, Chief of Police ng Digos City Police Station, ang suspek na si alyas “Jun”, 45 anyos at residente ng nasabing lugar.
Nakuha mula sa suspek ang tinatayang 11.18 gramo ng hinihinalang shabu na may Standard Drug Price na Php76,024 kasabay ang isang yunit ng .38 cal na baril at iba pang ebidensya.
Nahararap ngayon ang suspek sa kasong paglabag sa Republic Act 9165 o “Comprehensive Dangerous Drugs Act of 2002” at Republic Act 10591 o “Comprehensive Firearms and Ammunition Regulation Act”.
Ang tagumpay ng PNP ay hindi lamang nasusukat sa dami ng mga nahuling kriminal, kundi sa aktibong partisipasyon ng bawat isa sa pagtutok sa mga isyung pang-seguridad at kaayusan na siyang magbibigay daan sa isang matatag at maunlad na lipunan.
Panulat ni Pat Shairra Rose A Aquino
