San Jacinto, Pangasinan – Arestado ng mga operatiba ng Police Regional Office 1, ang Top 9 Provincial Most Wanted Person sa kasong 5 Counts of Qualified Rape sa Brgy. Sta Maria, San Jacinto, Pangasinan nitong ika-29 ng Setyembre, 2022.
Kinilala ni Police Major Allan Serquiña, Hepe ng San Manuel Police Station, ang suspek na si Renzo Kyle Verano Dumalaoag, 19, residente ng Brgy. Sta Maria, San Jacinto, Pangasinan.
Ayon kay PMaj. Serquiña, naaresto ang suspek sa bisa ng Warrant of Arrest sa kasong 5 Counts of Qualified Rape na walang inirekomendang piyansa.
Ayon pa kay PMaj. Serquiña, naaresto ang suspek bandang 4:20 ng hapon ng pinagsanib na mga tauhan ng San Manuel Police Station, San Jacinto Police Station, Manaoag Police Station, Provincial Intelligence Unit, Provincial Investigation and Detective Management Unit at 104th Regional Mobile Force Battalion Maneuver Company ng Pangasinan Police Provincial Office, Regional Intelligence Unit 1 at Regional Intelligence Division 1.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: San Jacinto Police Station
Panulat ni PSSg Bader Ceasar B. Ayco
