Mapandan, Pangasinan – Arestado ang Top 9 Provincial Most Wanted Person na may kasong Homicide sa Brgy. Patayak, Sta Barbara, Pangasinan nitong ika-21 ng Setyembre 2022.
Kinilala ni Police Captain Jimmy P Paningbatan, Officer-In-Charge ng Mapandan Municipal Police Station, ang suspek na si Michael Pacamara y Idos, 39, residente ng Brgy. Patayak, Sta Barbara, Pangasinan.
Ayon kay PCpt Paningbatan, bandang 5:40 ng hapon ng maaresto ang suspek sa kanyang tahanan ng mga operatiba ng Mapandan MPS, Provincial Intelligence Team Regional Intelligence Unit 1 (PIT RIU1), Provincial Intelligence Unit Pangasinan Police Provincial Office (PIU PPPO).
Ayon pa kay PCpt Paningbatan, naaresto ang suspek sa bisa ng Warrant of Arrest sa kasong Homicide na may rekomendadong piyansa na Php120,000.
Ang tagumpay ng PNP laban sa mga taong may pananagutan sa batas ay bunga ng pakikipagtulungan at pakikiisa ng mamamayan na tanging hangad ay mabigyan ng kaayusan at kapayapaan ang ating komunidad.
Sources: Mapandan MPS
Panulat ni PSSg Vanessa Natividad/RPCADU1
