Leyte – Arestado ang isang indibidwal na tinaguriang Top 9 Provincial Most Wanted Person sa ikinasang operasyon ng Leyte PNP sa Brgy. 1 Poblacion, Jaro, Leyte nitong Agosto 29, 2023.
Kinilala ni Police Major Ronald Puso, Acting Chief of Police ng Jaro MPS, ang naaresto na si Joseph, 42, driver at residente ng Jaro, Leyte.
Ayon kay PMaj Puso, bandang 10:30 ng umaga nang arestuhin ng mga tauhan ng Jaro Municipal Police Station at 2nd Leyte Provincial Mobile Force Company ang suspek sa bisa ng Warrant of Arrest para sa kasong Qualified Statutory Rape na walang inirekomendang pyansa para sa kanyang pansamantalang kalayaan.
Ang Leyte PNP ay mas pinalawak at pinalakas ang operasyon laban sa mga wanted person para mapanagutan ang kasalanan at mabigyan ng hustisya ang kanilang mga biktima.
