Southern Leyte – Nasakote ang isang lalaki sa ikinasang buy-bust operation ng PNP at PDEA 8 sa Brgy. Mantahan, Maasin, Southern Leyte nitong Agosto 9, 2023.
Kinilala ni Police Lieutenant Colonel Jayson Balbarona, Chief of Police ng Maasin City Police Station, ang naaresto na si alyas “Ryan”, 22, estudyante at residente ng Brgy. Canturing, Maasin City, Southern Leyte.
Isinagawa ang operasyon ng pinagsanib na mga operatiba ng Maasin City Police Station – City Drug Enforcement Unit, Southern Leyte Police Provincial Office – Provincial Drug Enforcement Unit kasama ang PDEA 8 Southern Leyte Provincial Office.
Nakumpiska mula sa suspek ang apat na pirasong sachet ng hinihinalang shabu na tumitimbang ng humigit kumulang 10 gramo na may tinatayang market value na Php68,000.
Mahaharap ang suspek sa kasong paglabag sa Section 5 at 11 ng Article II sa ilalim ng RA 9165 o Comprehensive Dangerous Drugs Act of 2002.
Tinitiyak naman ng PNP sa publiko na patuloy ang kanilang Anti-Illegal Drugs Operation sa pagsugpo sa ilegal na droga sa kanilang nasasakupan tungo sa mas ligtas at maayos na pamayanan.
