Davao Del Norte – Arestado ang isang indibidwal sa operasyon kontra ilegal na droga ng Sto. Tomas PNP sa Barangay Tibal-og, Santo Tomas, Davao Del Norte, noong Pebrero 13, 2023.
Kinilala ni Police Major Rodante Varona, Acting Chief of Police ng Sto. Tomas Municipal Police Station, ang suspek na si alyas “Alden”, 35, residente ng Purok 10-B, Barangay Tibal-og, Santo Tomas, Davao del Norte na tinaguriang Top 9 Drug Personality sa Provincial level.
Ayon kay PMaj Varona, inaresto ang suspek matapos ihain ang Search Warrant ng pinagsamang tauhan ng Sto. Tomas MPS katuwang ang 2nd Davao Norte Provincial Mobile Force Company.
Dagdag pa ni PMaj Varona, nakuha mula sa suspek ang ilang pakete ng hinihinalang shabu na may bigat na humigit kumulang 5 gramo na may street market value na Php34,000 at isang sumpak na may kasamang isang bala.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act.
Ang layunin ng Police Regional Office 11 na gawing drug-free ang rehiyon ay malapit ng makamit sa pagtutulungan ng mamamayan at kapulisan.
Panulat ni Patrolman Alfred Vergara
