Binalonan, Pangasinan – Arestado ang Top 9 Provincial at Top 1 Municipal Most Wanted Person sa ikinasang Manhunt Charlie Operation ng mga operatiba ng Police Regional Office 1 sa Binalonan, Pangasinan nitong ika-10 ng Nobyembre 2022.
Kinilala ni Police Major Larry Noble, Hepe ng Binalonan Municipal Police Station, ang suspek na si alyas “Net-net”, 38, residente ng Binalonan, Pangasinan.
Ayon kay PMaj Noble, naaresto ang suspek sa bisa ng Warrant of Arrest sa kasong Sexual Abuse o paglabag sa Section 5(b) ng RA 7610 o Special Protection of Children Against Abuse, Exploitation and Discrimination Act na may inirekomendang piyansa na Php200,000.
Ayon pa kay PMaj Noble, naaresto ang suspek bandang 2:15 ng hapon ng pinagsanib na mga tauhan ng Binalonan Municipal Police Station, Pangasinan Provincial Intelligence Unit, Regional Intelligence Unit 1 at Regional Intelligence Division 1.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Binalonan Municipal Police Station
Panulat ni PSSg Bader Ceasar B. Ayco
