Tulunan Cotabato – Arestado ang Top 9 Municipal Most Wanted Person sa kasong paglabag sa RA 9165 sa isinagawang manhunt operation ng mga operatiba ng Tulunan Municipal Police Station sa bahagi ng Purok 6, Brgy. Sibsib Tulunan, Cotabato nito lamang Hunyo 13, 2023.
Kinilala ni Police Major Junrel Amotan, Chief of Police ng Tulunan MPS, ang naarestong suspek na si alyas “Rudy”, 68, residente ng Tulunan, Cotabato.
Isinagawa ang nasabing operasyon matapos makatanggap ng impormasyon ang Magpet MPS mula sa Barangay Intelligence Network ng Brgy. Villarica na ang nasabing suspek ay namataan umano partikular sa nasabing lugar.
Naaresto si Rudy sa bisa ng Warrant of Arrest dahil sa paglabag sa RA 9165 o Comprehensive Dangerous Drugs Act of 2002 na may inirekomendang piyansa na Php200,000.
Ang naarestong suspek ay agad namang dinala sa tanggapan ng Tulunan MPS at kasalukuyang namamalagi sa custodial facility ng nasabing tanggapan para sa dokumentasyon at tamang disposisyon.
Muli namang nanawagan ang PRO 12 sa ating mga kababayan na itigil na ang ganitong uri ng gawain, dahil hindi titigil ang buong kapulisan sa pagsugpo at paglaban kontra ilegal na droga.
Panulat ni Patrolman Gio Batungbacal
