Tiaong, Quezon – Arestado ang Top 9 Municipal Most Wanted Person sa kasong paglabag sa RA 7610 sa ikinasang operasyon ng Tiaong Municipal Police Station sa Sitio Kanluran, Brgy. Palagaran, Tiaong, Quezon nito lamang Sabado, Disyembre 3, 2022.
Kinilala ni Police Lieutenant Colonel Marlon Cabataña, Chief of Police ng Tiaong MPS, ang suspek na si alyas “Rome”, 29, residente ng Sitio Kanluran, Brgy. Palagaran, Tiaong, Quezon.
Ayon kay PLtCol Cabataña, ang suspek ay naaresto ng mga operatiba ng Tiaong MPS sa bisa ng Warrant of Arrest sa kasong paglabag sa RA 7610 o Anti-Child Abuse Law na may rekomendang piyansa na Php200,000.
Ang tagumpay ng Tiaong PNP laban sa mga may pagkakasala sa batas ay bunga ng pinaigting na ugnayan at suporta ng mamamayan upang manatiling ligtas at maayos ang komunidad.
Source: Quezon Police Provincial Office-PIO
Panulat ni PEMS Joe Peter Cabugon/ RPCADU 4A
