Arestado ang isang Top 9 Most Wanted Person sa Municipal Level sa kasong Grave Threats sa isinagawang joint law enforcement operation ng Polanco Municipal Police Station kasama ang Tagoloan MPS sa Poblacion, Tagoloan, Misamis Oriental nito lamang ika-10 ng Nobyembre 2024.
Kinilala ni Police Captain Gwyn G Celestino, Officer-In-Charge ng Polanco MPS, ang naarestong suspek na si alyas “Panio”, 62 anyos, lalaki at residente ng Barangay Lingasad, Polanco, Zamboanga del Norte.
Ang suspek ay nahaharap sa kasong Grave Threats na may kaugnayan sa Republic Act 10591 na may piyansa na nagkakahalaga ng Php120,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad sa isang Bagong Pilipinas.
Panulat ni Pat Joyce Franco
