Taytay, Rizal – Arestado ang Top 9 Most Wanted Person (Provincial Level) ng Rizal sa kasong Frustrated Murder sa manhunt operation ng PNP nitong Lunes, Abril 11, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Erick Rivera Dela Cruz, 34, residente ng Blk 21 Purok 6, Lupang Arenda, Brgy. Sta Ana, Taytay, Rizal.
Ayon kay Police Colonel Baccay, bandang 3:40 ng hapon naaresto ang suspek sa Sitio Damayan Floodway, Taytay, Rizal ng pinagsanib na puwersa ng Taytay Municipal Police Station at Rizal Highway Patrol Group.
Dagdag pa ni Police Colonel Baccay, naaresto ang suspek sa bisa ng Warrant of Arrest sa kasong Frustrated Murder na may rekomendadong piyansa na Php200,000.
Ang tagumpay ng PNP laban sa mga taong may pananagutan sa batas ay bunga ng pakikipagtulungan at pakikiisa ng mamamayan.
###
Panulat ni Patrolman Marvin Avila
