Arestado ang isang lalaking Top 9 Most Wanted Person ng La Union Police Provincial Office sa Brgy. 2 San Fernando City, La Union nito lamang ika-23 ng Enero 2024.
Kinilala ni Police Major Jeofrey E Sanchez, Hepe ng La Union Provincial Intelligence Unit, ang suspek na si Ramil, 41, at residente ng Brgy Poblacion West, Pugo, La Union.
Nahuli ang suspek ng mga tauhan ng La Union Provincial Intelligence Unit, Pugo Municipal Police Station at San Fernando City Police Station sa bisa ng Warrant of Arrest na may rekomendadong piyansa na nagkakahalaga ng Php120,000.
Ang kapulisan ng La Union ay patuloy pa rin ang maigting na kampanya kontra krimen upang mapanatiling tahimik at ligtas ang nasabing probinsya.
Panulat ni Pat Aileen Arvie E Eustaquio
