Himas rehas ang Top 9 Most Wanted Person sa Regional Level na may kasong Rape at 3 Counts ng Acts of Lasciviousness matapos maaresto ng Bohol PNP sa Barangay Can-upao, Jagna, Bohol, noong ika-4 ng Disyembre 2024.
Ayon kay Police Captain Jose Leander Reyes Velazquez, Officer-In-charge ng Jagna Police Station, Bohol Police Provincial Office, bandang 9:50 ng umaga nadakip ang suspek na si “Ronald”, 38 anyos na residente ng Purok-1, Barangay Can-upao, Jagna, Bohol.
Ang suspek ay naaresto sa bisa ng Warrant of Arrest para sa kasong Rape at 3 Counts ng Acts of Lasciviousness na may Php540,000 na piyansa para sa 3 Counts ng Acts of Lasciviousness at walang piyansa para sa kasong Rape.
Ang matagumpay na pagkaaresto ng suspek ay bunga ng pinagsanib pwersa ng kapulisan ng Jagna PS, BPPO at Provincial Intelligence Unit, BPPO.
Ang kapulisan ng Bohol ay patuloy sa pagpapatupad ng kanilang sinumpaang tungkulin kontra anumang uri ng kriminalidad upang magkaroon ng maunlad na bansa para sa sambayanang Pilipino tungo sa isang Bagong Pilipinas.
Source: BPPO SR
