Cardona, Rizal – Arestado ang Top 9 Most Wanted Person (Municipal Level) sa bayan ng Cardona sa isinagawang Manhunt Charlie ng Cardona PNP nito lamang Martes, Abril 19, 2022 sa kasong paglabag sa RA 9165.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Lord Ian Tiraña Vocal alyas “Empoy”, 34, walang trabaho at kasalukuyang nakatira sa Carlos St. Brgy. Looc, Cardona, Rizal.
Ayon kay PCol Baccay, bandang 8:35 ng gabi naaresto ang supek sa Brgy. San Roque, Cardona ng mga operatiba ng Cardona Municipal Police Station.
Ayon pa kay PCol Baccay, si Empoy ay naaresto sa bisa ng Warrant of Arrest sa kasong paglabag sa RA 9165 o Comprehensive Dangerous Drugs Act of 2002.
Binigyang pugay naman ni PCol Baccay ang tauhan ng Cardona MPS sa mas pinaigting na kampanya laban sa ilegal na droga sa kanilang nasasakupan.
Source: Rizal Police Provincial Office
###
Panulat ni Police Executive Master Sergeant Ronald V Condes
