Iloilo – Arestado sa kasong murder ang itinuturing na Top 9 Most Wanted Person ng Central Luzon (Region 3) sa Brgy. Ginalinan Viejo, Dingle, Iloilo nitong araw ng Linggo, dakong 12:00 ng hapon, ika-19 ng Pebrero 2023.
Ang naarestong suspek ay kinilalang si alyas Rebino, walang asawa, at residente ng Barangay San Roque, Lupao, Nueva, Viscaya at matagal ng nagtatago sa bayan ng Dingle ng halos apat na taon
Naaresto ang akusado sa bisa ng Warrant of Arrest na pinangunahan mismo ni Police Colonel Noel C Aliño, Acting Director ng Iloilo Police Provincial Office kasama ang Pototan Municipal Police Station sa pangunguna naman ni Police Major Roy P Tayona katuwang ang IPPO PIU, RID PRO6, Dingle MPS, 1st IPMFC, RMFB6, and Lupao MPS, Nueva Ecija PPO.
Mayroon ding reward money na Php135,000 sa ilalim ng DILG Memorandum Circular No. 2021-21 na inialok sa sinumang makapagbibigay ng impormasyon sa kinaroonan ng suspek upang siya ay maaresto.
Dagdag pa, matatandaang ang kanyang biktima ay isang 37-anyos na lalaking beautician ay natagpuang patay na may sugat sa kanyang ulo noong July 12, 2015 sa kanyang mismong tinitirhan sa Brgy, San Antonio Este, Lupao, Nueva Ecija.
Samantala, sinisiguro naman ng Iloilo PNP sa ilalim ng liderato ni PBgen Leo M Francico, Regional Director ng PRO6 na mas papaigtingin pa ang paghuli sa mga pugante upang sila ay mapanagot at mabigyan ng hustisya ang mga pamilya ng kanilang mga nabiktima.
Umapela rin ang Iloilo top cop sa mamamayang Ilonggo na i-report sa pinakamalapit na police station ang anumang kahinahilang mga indibidwal sa kanilang lugar at nagpaalala na ang Iloilo ay walang lugar para sa mga pugante.
