Davao del Sur – Arestado ang isang lalaki sa isinagawang buy-bust operation ng PNP at PDEA sa Purok Paradise Subdivision, Brgy. Tres de Mayo, Digos City noong Setyembre 13, 2022.
Kinilala ni PLtCol Hamlet Lerios, Chief of Police ng Digos City Police Station, ang suspek na si alyas Dodong, 32, residente ng Purok Tanigue, Brgy. Dawis, Digos City na tinaguriang Top 9 HVI sa regional level.
Ayon kay PLtCol Lerios, naaresto ang suspek ng pinagsamang tauhan ng Digos CPS at Regional Police Drug Enforcement Unit11, Provincial Drug Enforcement Unit Provincial Intelligence Unit katuwang ang PDEA 11, 1st Coy Davao Sur Provincial Mobile Force Company at 1104th Maneuver Company Regional Mobile Force Battalion 11.
Dagdag pa ni PLtCol Lerios, nakuha mula sa suspek ang ilang pakete ng hinihinalang shabu na may bigat na humigit kumulang 0.70 gramo na may street market value na Php10,500 at marked money na ginamit sa operasyon.
Ang suspek ay nahaharapa sa kasong paglabag sa Republic Act 9165 o Comprehensive Dangerous Drugs Act of 2002.
Ang layunin ng Police Regional Office 11 na gawing drug-free ang lungsod ay unti-unti ng nakakamit dahil sa malasakit ng mamamayan na magreresulta sa kaayusan at kapayapaan tungo sa kaunlaran.
Panulat ni Patrolman Alfred Vergara
