Pangasinan – Timbog ng Urdaneta City PNP ang Top 9 City Most Wanted Person ng Urdaneta City, Pangasinan, nito lamang ika-4 ng Hunyo 2023.
Kinilala ni Police Lieutenant Colonel Lawrence Keith Calub, Officer-In-Charge ng Dagupan City PNP, ang suspek na si Peter Quinsay Tumagcao, 29, at residente ng Labit West, Urdaneta City, Pangasinan.
Ayon kay PLtCol Calub, naaresto ang suspek bandang 10:22 ng gabi sa Brgy. San Francisco, Llanera, Nueva Ecija, ng pinagsamang pwersa ng Urdaneta City PNP bilang lead unit, San Jose City PNP, at Llanera PNP sa bisa ng Warrant of Arrest.
Ayon pa kay Police Lieutenant Colonel Calub, nahaharap ang suspek sa kasong 5 counts of Rape through Sexual Assault na may rekomendadong piyansa na tig-Php200,000 na piyansa at Incestuous Rape through Sexual Assault na may Php200,000 na piyansa.
Ang operasyon ng Urdaneta City PNP ay naging matagumpay sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Source: Urdaneta City Police Station
Panulat ni Patrolman Viljon Comilang
