Timbog ang isang lalaki na kabilang sa Top 8 Most Wanted Person sa Gitnang Luzon sa isinagawang operasyon ng pulisya sa Barangay San Juan, Licab, Nueva Ecija nito lamang ika-2 ng Abril, 2025.
Sa isinagawang Manhunt Charlie Operation ng Cabanatuan City Police Station (CPS), Licab Municipal Police Station (MPS), at Provincial Intelligence Team-Nueva Ecija (PIT-NE), nadakip ang suspek sa kanyang tirahan bandang 10:00 ng umaga na kinilalang si alyas “Bodoy”, 26 anyos.
Ayon kay Police Colonel Ferdinand D. Germino, Provincial Director ng Nueva Ecija Police Provincial Office, ang suspek ay may Warrant of Arrest para sa kasong Statutory Rape, na walang inirekomendang piyansa.
“Hindi kami titigil sa pagtugis sa mga kriminal, lalo na sa mga may kasong panggagahasa. Naninindigan kami para sa mga biktima at titiyakin naming makakamit nila ang hustisya. Patuloy naming paiigtingin ang operasyon laban sa mga wanted persons upang mapanatili ang kaligtasan ng ating komunidad,” ani PCol Germino.
Panulat ni Pat Jilly Peña
