Camarines Norte – Arestado ang Top 8 Regional Most Wanted Person ng Bicol para sa kasong 2 Counts of Qualified Rape sa isinagawang Manhunt Charlie Operation ng pinagsamang mga operatiba ng Camarines Norte PNP sa Purok 2, Barangay Cahabaan, Talisay, Camarines Norte nito lamang Marso 2, 2023.
Kinilala ni PMaj Conrado R De Vera Jr., Hepe ng Talisay Municipal Police Station, ang akusado na si alyas “Don”, 33, binata, residente ng Purok 4, Barangay Caawigan, Talisay, Camarines Norte, nakatala din bilang Top 4 Provincial Most Wanted Person ng Camarines Norte at Top 3 Municipal Most Wanted Person ng Talisay.
Ayon kay PMaj De Vera Jr., naaresto ang akusado bandang 7:30 ng umaga ng pinagsanib na mga operatiba ng Talisay MPS, PIT-Camarines Norte RIU5, RID, CNPIU at Provincial Tracker Team sa bisa ng Warrant of Arrest para sa kasong 2 Counts of Qualified Rape na walang inirekomendang piyansa.
Ang PNP Bicol ay patuloy sa pagiging masigasig sa pag-aresto sa mga taong may pananagutan sa batas upang mabigyan ng karampatang hustisya ang mga taong nabiktima nito at pinapaalalahanan ang publiko na makiisa sa mga programa ng kapulisan para sa isang tahimik at ligtas na komunidad.
Source: Camarines Norte PPO
