Arestado ang Top 8 Regional Most Wanted Person sa kasong Murder sa ikinasang operasyon ng mga awtoridad sa Sitio Alaska, Barangay Sabanal, Kalamansig, Sultan Kudarat nito lamang Pebrero 18, 2025.
Kinilala ni Police Major Rodney V Binoya, Hepe ng Kalamansig Municipal Police Station, ang suspek na si alyas “Dave”, 33 taong gulang, may asawa, Teduray ayon sa tribo at residente ng Barangay Sabanal, Kalamansig, Sultan Kudarat.
Nahuli ang suspek bandang 5:00 ng umaga sa isinagawang joint manhunt operation ng Kalamansig Municipal Police Station at iba’t ibang miyembro ng South Cotabato PNP sa bisa ng Warrant of Arrest sa kasong Murder na walang piyansa.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa mga programa ni Pangulong Ferdinand R. Marcos Jr., na magkaroon ng maunlad na bansa para sa sambayanang Pilipino tungo sa isang Bagong Pilipinas.
