Davao del Norte РArestado ang isang babae sa isinagawang buy-bust operation ng PNP sa Prk. Mangga, Brgy. Sto. Ni̱o, Panabo City, noong Setyembre 27, 2022.
Kinilala ni PLtCol Adelon Caacbay, Acting Chief of Police ng Panabo City Police Station, ang suspek na si alyas “Brad”, 41, residente ng Sahara Village Subd. Purok 10, Brgy. Southern Davao, Panabo City na tinaguriang Top 8 High Value Target sa Regional level.
Ayon kay PLtCol Caacbay, naaresto ang suspek matapos mahuli sa akto ng pagbebenta ng hinihinalang shabu ng pinagsamang tauhan ng Panabo CPS at Regional Police Drug Enforcement Unit – Regional Special Operation Group 11 kasama ang 2nd Davao Norte Provincial Mobile Force Company katuwang ang PDEA Davao del Norte.
Dagdag pa ni PLtCol Caacbay, nakuha mula sa suspek ang ilang pakete ng hinihinalang shabu na may bigat na humigit kumulang 0.478 gramo at may street market value na Php3,250 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang nasabing operasyon ay bunga ng pagsisikap ng Police Regional Office 11 sa kanilang layunin na gawing drug-free ang rehiyon onse at sa malasakit na ipinapakita ng mga mamamayan sa kapulisan ay makakamit natin ang kaayusan at kapayapaan sa bansa.
Panulat ni Patrolman Alfred Vergara
