Arestado ng Maguindanao del Norte PNP ang Top 8 Most Wanted Person sa Provincial Level sa kasong Robbery sa Barangay Baka Datu Pinguiaman, Datu Odin Sinsuat, Maguindanao Del Norte noong ika-7 ng Abril 2024.
Kinilala ni Police Major Michael B Tinio, Officer-In-Charge ng Provincial Intelligence Unit, ang suspek na si alyas “Mark”, 30, may asawa, walang trabaho, residente ng Barangay Poblacion DOS, Maguindanao Del Norte.
Naging matagumpay ang pagkakaaresto sa suspek sa ikinasang operasyon ng tracker team ng Provincial Intelligence Unit Maguindanao del Norte PPO katuwang ang Datu Odin Sinsuat Municipal Police Station, Regional Intelligence Unit PRO BAR at Provincial Drug Enforcement Unit MDNPPO sa bisa ng Warrant of Arrest sa kasong Robbery na may piyansa na Php120,000.
Ang naarestong suspek ay nakatala rin sa E-Warrant System bilang Top 8 MWP ng Maguindanao del Norte PPO.
Patunay lamang na ang Pambansang Pulisya ng Pilipinas ay lalo pang paiigtingin ang kampanya kontra kriminalidad at paghuli sa mga wanted persons at hinihikayat ang mga mamamayan na suportahan ang pulisya sa pagkamit ng ligtas, tahimik at maunlad na Bagong Pilipinas.
Panulat ni Pat Ma. Señora Agbuya
