Timbog ang tinaguriang Top 8 Most Wanted Person sa Provincial Level at isang menor-de-edad sa ikinasang operasyon ng mga awtoridad dakong 6:00 ng gabi nito lamang ika-24 ng Abril 2025 sa Purok Bagong Silang, Barangay Lunib, Zamboanga del Sur.
Kinilala ni Police Captain Brainhull A Sakkam, Officer-In-Charge ng Vicenzo Sagun Municipal Police Station, ang mga nadakip na sina alyas “Danny”, 20 anyos, Top 8 MWP sa Provincial Level, isang construction worker, at si alyas “Mark”, 17 anyos, isang estudyante, parehong residente ng naturang lugar.
Ang dalawang suspek ay nahaharap sa kasong paglabag sa Artikulo 266-A kaugnay ng 266-B ng Revised Penal Code, sa ilalim ng Criminal Cases Nos. 2025-021 at 2025-022.
Patuloy ang PNP sa pagsiguro ng katahimikan at kapayapaan sa ating bayan.
Panulat ni Pat Joyce M Franco
