Arestado ang Top 8 Most Wanted Person sa Provincial Level ng Cervantes, Ilocos Sur sa kasong 2 Counts na Qualified Statutory Rape nito lamang Pebrero 20, 2024.
Kinilala ni Police Major Christopher D Ramat, hepe ng Cervantes Municipal Police Station, ang suspek na si Jony G. Galon, 40, residente ng Barangay San Juan, Cervantes, Ilocos Sur.
Ayon kay PMaj Rama, bandang 11:20 ng umaga ng nasabing petsa nang maaresto ang suspek ng mga operatiba ng Cervantes MPS sa bisa ng Warrant of Arrest sa kasong 2 Counts of Qualified Statutory Rape na walang piyansa.
Patuloy na pinaiigting ng Cervantes PNP ang kampanya laban sa mga taong may pananagutan sa batas at mabigyan ng hustisya ang kanilang mga naging biktima at hindi na pamarisan pa ng iba.
Source: Cervantes MPS
Panunulat ni: Patrolman Dennis P CarinalÂ
