San Fabian, Pangasinan – Arestado ng San Fabian PNP ang Top 8 Provincial Most Wanted Person sa kasong Rape sa Brgy. Poblacion, San Fabian, Pangasinan nito lamang ika-1 ng Nobyembre 2022.
Kinilala ni Police Lieutenant Colonel Michael S Datuin, Officer-In-Charge ng San Fabian Municipal Police Station, ang suspek na si Rodolfo Morales y Revotoc, 23, walang asawa, kusinero at resident ng Brgy. David, Mangaldan Pangasinan.
Ayon kay PLtCol Datuin, bandang 10:30 ng umaga nang naaresto ang suspek ng mga operatiba ng San Fabian MPS katuwang ang Provincial Intelligence Unit Pangasinan PPO, Regional Intelligence Unit 1, 104th Maneuver Company-RMFB1, Provincial Intelligence Team-Pangasinan, Citizen Anti Felony Special Support Group, 1st Regional Community Defense Group at 105th PA, Pangasinan Maritime Police Station, Dagupan City.
Dagdag pa ni PLtCol Datuin, naaresto ang suspek sa bisa ng Warrant of Arrest sa kasong Rape na walang rekomendadong piyansa.
Ang operasyon ng PNP ay naging matagumpay dahil sa patuloy na pakikipagtulungan ng mga mamamayan sa pagpapaigting ng kampanya laban sa mga taong may pananagutan sa batas.
Source: San Fabian MPS
Panulat ni Marvin Jake Romero
