Arestado ng mga awtoridad ang tinaguriang Top 8 Provincial Most Wanted Person na may kasong 4 Counts ng Acts of Lasciviousness sa operasyon sa Barangay Abaca, Dagami, Leyte nito lamang ika-23 ng Setyembre 2024.
Kinilala ni Police Captain Melvin T Malate, Officer-In-Charge ng Dagami Municipal Police Station, ang suspek na si alyas “Erwin”, 42 anyos at residente ng Barangay Abaca, Dagami, Leyte.
Naaresto ang suspek bandang 8:10 ng gabi ng mga tauhan ng Dagami Municipal Police Station sa bisa ng Warrant of Arrest para sa kasong 4 counts ng Acts of Lasciviousness na may inirekomendang piyansa na Php780,000 para sa pansamantalang kalayaan.
Ang Pambansang Pulisya ay hindi titigil sa pagtugis sa mga nagkasala at patuloy na nagkakasala sa batas upang matiyak ang kaayusan at katahimikan sa ating bansa. Dahil sa Bagong Pilipinas ang gusto ng pulis ligtas ka!.
Panulat ni Patrolwoman Ma. Elena B Singian
