Kulasihan, Bukidnon – Arestado ang Top 8 Most Wanted Person (Municipal Level) sa kasong Arson sa isinagawang Manhunt Charlie Operation ng PNP nito lamang Martes, Mayo 31, 2022.
Kinilala ni Police Major Jayvee Babaan, Officer-in-Charge ng Lantapan Municipal Police Station, ang suspek na si Ramer Regacho y Piqua, 42, may asawa at residente ng P-11 Sinayawan, Valencia City, Bukidnon.
Ayon kay PMaj Babaan, bandang 1:00 ng hapon naaresto ang suspek sa P-8 Brgy. Kulasihan, Lantapan, Bukidnon ng mga operatiba ng Lantapan Municipal Police Station; Sibalom Municipal Police Station at Provincial Intelligence Unit sa bisa ng Warrant of Arrest sa kasong Arson na walang inirekomendang piyansa.
Ang Pambansang Pulisya ay mahigpit na tutuparin ang mandato at walang humpay sa pagsasagawa ng manhunt operations para subaybayan at ilagay sa rehas ang mga nagkasala sa batas.
Source: Lantapan Municipal Police Station
###
Panulat ni PSSg Grace Neville Ortiz
