Biliran – Walang takas ang isang binatilyo na Top 8 Municipal Most Wanted Person sa kasong Sexual Assault matapos itong mapasakamay ng pulisya sa Brgy. Agpangi, Naval Biliran, nito lamang Martes, ika-2 ng Mayo 2023.
Kinilala ni Police Major Chamberline Ludevise, Chief of Police ng Biliran PNP, ang naarestong suspek na si Rex, 20 at residente ng Sitio Dapdap, Brgy. Agpangi, Naval, Biliran.
Naging matagumpay ang operasyon sa pinagsanib na pwersa ng mga tauhan ng Naval Municipal Police Station, Biliran Police Provincial Office-Provincial Intelligence Unit at Biliran Provincial Field Unit.
Ang akusado ay naaresto sa bisa ng Warrant of Arrest para sa kasong Sexual Assault under Art. 266-A (2) in relation to sec. 5 (B) of RA 7610 na may inerekomendang piyansa na Php180,000.
Ang kapulisan ay patuloy na magsasagawa ng mga operasyon para mahuli ang mga Most Wanted Persons sa kanilang nasasakupan at mapanatili ang kaayusan at kapayapaan ng komunidad.
