Camarines Norte – Arestado ang Top 8 Municipal Most Wanted Person ng Labo, Camarines Norte sa kasong 6 Counts ng Acts of Lasciviousness sa isinagawang Manhunt Operation ng Camarines Norte PNP sa Purok 4A, Barangay Dalas, Labo, Camarines Norte nito lamang Hulyo 3, 2023.
Kinilala ni Police Major Herculano Mago Jr., Hepe ng Labo MPS ang akusado sa alyas na “Mac”, 34, binata at residente ng nabanggit na lugar.
Ayon kay PMaj Mago Jr., naaresto ang akusado bandang 10:35 ng umaga ng pinagsanib na mga operatiba ng Labo Municipal Police Station at 1st District Provincial Tracker Team.
Inaresto ang akusado sa bisa ng Warrant of Arrest para sa kasong 6 Counts of Acts of Lasciviousness na may kaugnayan sa Section 5 (B) ng RA 7610 na may inirekomendang piyansa na Php648,000.
Ang PNP Bicol ay patuloy sa pagiging masigasig sa pag-aresto sa mga taong may pananagutan sa batas upang mabigyan ng karampatang hustisya ang mga taong nabiktima nito.
Pinapaalalahanan ng pulisya ang publiko na makiisa sa mga programa ng kapulisan para sa isang tahimik at ligtas na komunidad.
Source: Camarines Norte PPO
