Arestado ang itinuturing na Top 8 Most Wanted Person sa probinsya ng Negros Occidental, makaraang silbihan ng Warrant of Arrest ng mga awtoridad sa Brgy. Zone 12-A, Talisay City, Negros Occidental, nitong ika-27 ng Disyembre 2023.
Ang akusado na kinilalang si Alyas “Nicko”, ay naaresto ng pinagsanib na mga tauhan sa pangunguna ng Tracker Team-Talisay City Police Station (Lead Unit) kasama ang AKG-VFU, Bacolod City Maritime Police Station, at 1st MP, 605th MC, RMFB 6 bandang 4:22 ng hapon sa nasabing barangay.
Ayon kay PCol Leo Pamittan, Provincial Director ng Negros Occidental PNP, ang akusado ay nahaharap sa kasong 4 Counts of Statutory Rape na walang inirekomendang piyansa.
Dagdag pa ni PCol Pamittan, si alyas “Nicko” ay naitala rin bilang Top 8 Most Wanted Person ng Talisay City PNP..
Samantala, pinuri ni Police Brigadier General Sidney Villaflor, RD, PRO6, ang dedikasyon ng mga operatiba at sa tuloy-tuloy na suporta ng publiko sa mga tagumpay na nakakamit laban sa mga taong may pananagutan sa batas.
