Timbog sa bisa ng Warrant of Arrest ang tinaguriang Top 8 City Most Wanted Person sa ikinasang operasyon ng mga awtoridad nito lamang Abril 1, 2025 sa Purok 12, Barangay Communal, Davao City.
Kinilala ni Police Major Rejie G Torrita, Acting Station Commander ng Mandug Police Station, ang suspek na si alyas “Roel”, 57 anyos, residente ng nasabing lugar.
Nahaharap ang suspek sa kasong tatlong bilang ng Acts of Lasciviousness kaugnay sa Republic Act 7610 na may inirekomendang piyansa na nagkakahalaga ng Php416,000.
Patuloy naman ang mas pinatatatag na kampanya ng Police Regional Office 11 kontra kriminalidad upang panatilihin ang kapayapaan at kaayusan tungo sa kaunlaran.
Panulat ni Pat Shairra Rose A Aquino
