Arestado sa isinagawang operasyon ng mga awtoridad ang Top 8 Most Wanted Person sa Davao Oriental nito lamang Oktubre 9, 2024 sa Purok Banahao, Barangay Bobon, Mati City, Davao Oriental.
Kinilala ni Police Major Al Anthony I Gumban, Acting Chief of Police ng Mati City Police Station, ang suspek na si alyas “Ric-Ric”, 32 anyos, isang mangingisda at residente ng nasabing lugar.
Ang suspek ay naaresto ng pinagsanib na puwersa ng Mati City Police Station, PNP CIDG Davao Oriental Field Unit, Davao Oriental Maritime Police Station at 1103rd Maneuver Company ng Regional Mobile Force Battalion 11.
Nahaharap ang suspek sa kasong anim na bilang ng Rape kaugnay sa Republic Act 7610 at walang piyansang inirekomenda.
Samantala, labis ang pasasalamat ng PNP sa tulong ng komunidad sa pinahusay na laban kontra kriminalidad at ilegal na droga. Ang sama-samang pagsisikap ng kapulisan at ng publiko ang nagiging susi sa mas maunlad at mapayapang Bagong Pilipinas.
Panulat ni Pat Shairra Rose A Aquino
