Nasakote ng Iloilo City Police Station 5 ang Top 8 Most Wanted Person na may kasong Homecide bandang 5:30 ng hapon sa Brgy. Hibao-an Norte, Mandurriao, Ilolilo City noong ika-10 ng Enero 2024.
Kinilala ni Police Captain Val Cambel, Officer-In-Charge ng Mandurriao Police Station ang naaresto na si alyas “Niboy”, nakatala bilang Rank 7-Station Level at Rank 8-City Level.
Naaresto ang suspek sa bisa ng Warrant of Arrest na may rekomendadong piyansa na nagkakahalaga ng Php120,000 para sa pansamantalang paglaya nito.
Sa pahayag ni PBGen Sidney N Villaflor, RD PRO 6, “Isa na namang biktima ang nabigyang hustisya dahil sa inyong dedikasyon at husay sa pag-track ng mga wanted persons. Lalo pa nating pag-igtingin ang magandang relasyon sa komunidad, pagtulungan nating maging mas ligtas at payapa ang Western Visayas.”
Ang matagumpay na hakbang na ito ng PNP ay nagpapatunay na hindi tumitigil ang ating mga kapulisan sa pagtugis ng mga Most Wanted Persons sa Western Visayas.
