Arestado ang isang wanted person sa isinagawang law enforcement operation ng Zamboanga City Police Station 10, katuwang ang 1st Zamboanga City Mobile Force Company sa Barangay Labuan, Zamboanga City nito lamang ika-3 ng Hulyo 2024.
Kinilala ni Police Captain Rene D Ceniza, Officer-In-Charge ng Zamboanga City Police Station 10, ang naarestong suspek na si alyas “Utoh”, 28 anyos, lalaki, may asawa, construction worker at residente ng Purok 2, Barangay Labuan, Zamboanga City.
Naging matagumpay ang isinagawang operasyon ng mga awtoridad na nagresulta sa pagkakaaresto sa suspek sa bisa ng Warrant of Arrest sa kasong paglabag sa Sec 5 at 11, Article II ng Republic Act 9165 na walang inirekomendang piyansa.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa sinumpaang tungkulin na hulihin ang mga taong tiwalag sa batas, mapanatiling ligtas ang komunidad, at ipatupad ang kapayapaan ng bansa para sa umuunlad na Bagong Pilipinas.
Panulat ni Patrolwoman Louise Marie V Conde
