Timbog sa isinagawang buy-bust operation na pinangunahan ng Regional Drug Enforcement Unit 11 ang tinaguriang Top 8 City Drug Personality nito lamang ika-28 ng Disyembre 2024 sa Purok 26, Riverside, Barangay Maa, Davao City.
Katuwang sa nasabing operasyon ang mga tauhan ng 2nd City Mobile Force Company at Maa Police Station.
Kinilala ni Police Major Maynard D. Pascual, Hepe ng RPDEU 11, ang suspek na si alyas “Kokoy”, 42 taong gulang at residente ng Abayon Subdivision, Barangay Calinan, Davao City.
Nakuha mula rito ang tinatayang 10.3 gramo ng shabu na may Standard Drug Price na Php70,040.
Kasong paglabag sa Republic Act 9165 o “Comprehensive Dangerous Drugs Act of 2002” ang kakaharapin ng suspek.
Ang tagumpay ng nasabing operasyon ay bunga ng walang-sawang pagsisikap ng Police Regional Office 11 upang patuloy na maipatupad ang batas at matiyak ang kaayusan at kapayapaan.
Panulat ni Pat Shairra Rose A Aquino
