Arestado ang tinaguriang Top 8 Regional Most Wanted Person sa kasong 2 Counts of Rape sa ikinasang operasyon ng mga awtoridad sa Dagohoy Public Market sa Bohol nito lamang ika-10 ng Pebrero, 2025.
Ayon kay Police Major Genesis P. Oriel, Acting Station Commander ng Talomo Police Station, kinilala ang suspek na si alyas “Joemar”, 30 anyos at residente ng Matina Crossing, Davao City.
Inaresto ang suspek sa bisa ng Warrant of Arrest sa kasong dalawang bilang ng Rape na walang piyansang inirekomenda.
Nadakip ang suspek dahil sa pagsisikap ng mga operatiba ng Talomo Police Station katuwang ang Carmen Municipal Police Station at Bohol Police Provincial Office.
Samantala, ang mga operasyon ng Police Regional Office 11 ay patuloy na isinasagawa bilang bahagi ng kanilang masusing hakbang upang sugpuin ang kriminalidad at tiyakin ang seguridad at kaayusan sa rehiyon, pati na rin ang proteksyon ng kapakanan ng mga mamamayan.
Panulat ni Pat Shairra Rose A Aquino
