Arestado ang tinaguriang Top 8 High Value Individual ng Davao City sa isinagawang buy-bust operation ng Regional Police Drug Enforcement Unit (RPDEU) 11 sa Purok 5, Barrio Tagalog, Barangay 4-A, Davao City nito lamang Enero 23, 2025.
Kinilala ni Police Major Maynard D Pascual, Hepe ng RPDEU 11, ang suspek na si alyas “Melchor”, 39 taong gulang at residente ng nasabing lugar.
Nasamsam ang 10.5 gramo ng shabu na may tinatayang Php71,400 na halaga at isang yunit ng .45 kalibre na Colt MK IV kasama ang magasin na may lamang limang bala.
Kasong paglabag sa Republic Act 9165 o “Comprehensive Dangerous Drugs Act of 2002” at Republic Act 10591 o ang “Comprehensive Firearms and Ammunition Regulation Act” ang kakaharapin ng suspek.
Ang tagumpay sa operasyong ito ay isang konkretong halimbawa ng pagsisikap ng Police Regional Office 11 at suporta ng mga komunidad na may iisang layuning matiyak ang kapayapaan sa buong rehiyon ng Davao.
Panulat ni Pat Shairra Rose A Aquino
