Davao City – Arestado ang isang lalaki sa isinagawang buy-bust operation ng PNP at PDEA sa Purok 23, Brgy. Waan, Davao City, noong Agosto 7, 2023.
Kinilala ni Police Major Ma Teresita Gaspan, Station Commander ng Ma-a Police Station, ang suspek na si alyas “Alexander”, 40, residente ng Brgy. 23-C, Isla Verde Boulevard, Davao City na tinaguriang Top 8 Priority Target sa City Level.
Ayon kay PMaj Gaspan, naaresto ang suspek sa isinagawang buy-bust operation ng pinagsamang tauhan ng Ma-a PS katuwang ang PDEA XI.
Dagdag pa ni PMaj Gaspan, nakuha mula sa suspek ang ilang pakete ng hinihinalang shabu na may bigat na humigit kumulang na 10 gramo na may street market value na Php160,000 at ang marked money na ginamit sa operasyon.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang nasabing suspek.
Ang laban kontra ilegal na droga sa Rehiyon Onse ay lalo pang pinaigting upang maging drug-free ang rehiyon at mapanatili ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
