Arestado ng mga operatiba ng Toril Police Station ang tinaguriang Top 8 City Most Wanted Person sa bisa ng Warrant of Arrest sa Bayanihan Street, Barangay Toril Proper, Toril District, Davao City nito lamang ika-11 ng Disyembre, 2024.
Kinilala ni Police Major Sheryl Y Bautista, Acting Station Commander ng Toril PS, ang suspek na si alyas “Rey”, 50 anyos at residente ng nasabing lugar.
Inaresto ang suspek sa kasong Acts of Lasciviousness na may piyansang Php180,000.
Tuloy-tuloy naman ang operasyon ng Police Regional Office 11 hindi lamang para hulihin at mapanagot ang lahat ng lumalabag sa batas kundi pati na rin hikayatin ang komunidad na makiisa sa mga mahahalagang hakbang upang matiyak ang kaayusan tungo sa kaunlaran.
Panulat ni Pat Shairra Rose A Aquino
