Davao City – Arestado ang isang drug personality sa isinagawang buy-bust operation ng PNP at PDEA sa Km 11, Brgy. Sasa Beside Ocianic Yard, Davao City, noong Hulyo 24, 2023.
Kinilala ni PMaj Jake Goles, Station Commander ng Sasa Police Station, ang suspek na si alyas “Mac-Mac”, 40, residente ng Bumaat Village, Malalag, Davao Del Sur na tinaguriang Top 8 High Value Individual sa City level.
Ayon kay PMaj Goles, naaresto ang suspek sa isinagawang buy-bust operation ng pinagsamang tauhan ng Sasa PS at Davao City Maritime Police Station katuwang ang PDEA XI.
Dagdag pa ni PMaj Goles, nakuha mula sa suspek ang ilang pakete ng hinihinalang shabu na may bigat na humigit kumulang na 5.34 gramo na may street market value na Php85,440 at ang marked money na ginamit sa operasyon.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang laban kontra ilegal na droga sa Rehiyon Onse ay lalo pang pinaigting upang mapanatili ang kaayusan at katahimikan sa rehiyon sa pamumuno ni PBGen Alden Delvo, PRO 11 Regional Director.
Panulat ni Patrolman Alfred Vergara
