Arestado ang Top 8 City High Value Individual sa isinagawang buy- bust operation ng mga tauhan ng Ma-a PNP sa Panacan Relocation Avenue, Panacan, Davao City nito lamang ika-22 ng Hunyo 2024.
Kinilala ni Police Major Kevin Lew D Garing, Station Commander ng Ma-a Police Station, ang suspek na si alyas “Nonoy”, 26 anyos, drayber at residente ng Sitio Cogonal, Barangay Taplan, Koronadal City, South Cotabato.
Naaresto ang suspek sa pinagsanib na puwersa ng Ma-a Police Station, Station Drug Enforcement Team, Davao City Police Office, City Mobile Force Company at PDEA 11.
Narekober mula sa suspek ang isang pakete ng hinihinalang shabu na may bigat na humigit kumulang 5.50 gramo na may Standard Drug Price na Php37,400, driver’s license, cellphone, isang yunit ng NORINCO 5.56 rifle, isang yunit ng bushmaster 5.56 rifle, 425 piraso ng bala, bandolier, Toyota Hilux with ignition key, wallet, personal money at buy-bust money.
Nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang pamahalaan at PNP ay nakatuon sa kampanya laban sa ilegal na droga at kriminalidad sa pakikipagtulungan at suporta ng komunidad tungo sa hangarin para sa isang mapayapang bansa.
Panulat ni Patrolwoman Shairra Rose A Aquino
