Davao City – Arestado ang isang indibidwal sa isinagawang buy-bust operation ng Ma-a PNP sa Purok 26-A, Riverside Bypass Road Ma-a, Davao City nito lamang Enero 21, 2024.
Kinilala ni Police Major Ma. Teresita Gaspan, Station Commander ng Ma-a Police Station, ang suspek na si alyas “Brian”, 27, residente ng Phase 1, NHA Bangkal, Davao City na tinaguriang Top 8 High Value Individual sa City Level.
Naaresto ang suspek matapos mahuli sa akto ng pagbebenta ng ilegal na droga sa isinagawang buy-bust operation ng pinagsamang tauhan ng Ma-a PS at sa pakikipagtulungan ng PDEA XI.
Nakuha mula sa suspek ang ilang pakete ng hinihinalang shabu na may bigat na humigit kumulang na 1.30 gramo na may street market value na Php8,840 at marked money na ginamit sa operasyon.
Kasong paglabag sa Republic Act 9165 o Comprehensive Dangerous Drugs Act of 2002 ang isinampa sa nasabing suspek.
Ang laban kontra ilegal na droga ay patuloy na pinapaigting ng Police Regional Office 11 upang maging drug-free ang rehiyon onse sa pamumuno ni Police Brigadier General Alden Delvo, Regional Director.
Panulat ni Patrolman Alfred Vergara
