Arestado sa isinagawang operasyon ng Calinan Police Station ang Top 8 City High Value Individual nito lamang Setyembre 29, 2024 sa Purok 7, Barangay Dacudao, Calinan District, Davao City.
Kinilala ni Police Major Leo Arvin O Alce, Officer-In-Charge ng Calinan Police Station, ang suspek na si alyas “Boss”, 46 anyos, isang karpintero at residente ng Purok 25-A Lawaan St., Teachers Village Calinan, Davao City.
Ang suspek ay naaresto sa isinagawang buy-bust operation ng nasabing istasyon kung saan narekober mula sa suspek ang humigit kumulang 5.05 na gramo ng hinihinalang shabu na may Standard Drug Price na Php34,340.
Mahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang suspek.
Samantala, ang laban kontra kriminalidad ay patuloy na pinapaigting ng Police Regional Office 11 alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
