Arestado ang nakatalagang Top 7 Regional Most Wanted Person na may kasong Rape sa isinagawang operasyon ng mga awtoridad sa Barangay Linao, Ormoc City nito lamang Abril 07, 2025.
Kinilala ni Police Captain Jason N Mateo, Officer-In-Charge ng Ormoc City Police Station 4, ang suspek na si alyas “Marvin”, 38 anyos, construction worker at residente ng Barangay Naungan, Ormoc City.
Bandang 10:51 ng tanghali nang maaresto ang suspek ng mga tauhan ng Ormoc City Police Station 4 kasama ang Ormoc City Police Station 1, Regional Intelligence Division 8, City Intelligence Team Ormoc at Regional Intelligence Unit 8 sa bisa ng Warrant of Arrest para sa kasong Rape na walang inirekomendang piyansa.
Patunay lamang na ang Pambansang Pulisya ay hindi nagpapabaya sa kanilang sinumpaang tungkulin na hulihin ang mga taong tiwalag sa batas upang mapanatiling ligtas ang komunidad ng sa gayon maipatupad ang kapayapaan ng bansa para sa ligtas at maunlad na Bagong Pilipinas.
Panulat ni Patrolwoman Ma. Elena B Singian
