Davao City – Arestado ang isang lalaki sa patuloy na isinasagawang Manhunt Charlie Operation ng mga awtoridad sa Km 9, Sasa, Davao City nito lamang Mayo 22, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Romeo”, 33, residente ng Brgy. San Antonio, Agdao, Davao City na tinaguriang Top 7 Regional Most Wanted Person.
Inaresto ang suspek sa bisa ng Warrant of Arrest sa kasong Statutory Rape na inihain ng pinagsamang tauhan ng Sasa PNP at 1105th Regional Mobile Force Battalion 11 katuwang ang Davao City Maritime Police Station.
Patuloy ang Police Regional Office 11 sa panghuhuli sa mga wanted persons upang mapanatili ang kaayusan at kapayapaan sa kanilang nasasakupan.
Panulat ni Patrolman Alfred Vergara/RPCADU11
