Davao City – Arestado ang isang lalaki sa isinagawang buy-bust operation ng PNP sa Bypass Road, Punad Village, Brgy. Anglionto, Davao City, noong Oktubre 5, 2022.
Kinilala ni PMaj Jake Goles, Station Commander ng Sasa Police Station, ang suspek na si alyas “Pitz”, 28, residente ng Vida Village, Panabo City na tinaguriang Top 7 High Value Individual sa regional level.
Ayon kay PMaj Goles, naaresto ang suspek sa isinagawang buy-bust operation ng pinagsamang tauhan ng Sasa PS kasama ang Regional Police Drug Enforment Unit XI at City Intelligence Unit katuwang ang Davao City Maritime Police Station.
Dagdag pa ni PMaj Goles, nakuha mula sa suspek ang ilang pakete ng hinihinalang shabu na may bigat na humigit kumulang 7.16 gramo na may street market value na tinatayang aabot sa Php114,560 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip sa mga suspek ay bunga ng pagsisikap ng Police Regional Office 11 na makamit ang kanilang layunin na gawing drug-free ang rehiyon onse at sa malasakit na ipinapakita ng mga mamamayan sa kapulisan ay makakamit ang kaayusan at kapayapaan sa bansa.
Panulat ni Patrolman Alfred Vergara
